ປະເທດລາວພິຈາລະນາສ້າງຫຼຽນ Crypto ຂອງຕົນເອງ ຮ່ວມມືກັບບໍລິສັດ FinTech ຂອງຍີ່ປຸ່ນ
ເມື່ອບໍ່ດົນມານີ້ ທະນາຄານແຫ່ງ ສປປ ລາວ ໄດ້ເຊັນເອກະສານກັບອົງການ Japan International Cooperation Agency (JICA : ອົງການຮ່ວມມືສາກົນຍີ່ປຸ່ນ)
ເພື່ອຊອກຫາການພັດທະນາສະກຸນເງິນດິຈິຕອລຂອງລາວ ເພື່ອວິເຄາະສະຖານະການໃນປະເທດຂອງເຂົາເຈົ້າໃຫ້ດີຂຶ້ນ ປະເທດລາວໄດ້ເຈລະຈາກັບ Soramitsu ທີ່ຕັ້ງຢູ່ໃນໂຕກຽວ ເຊິ່ງມີປະສົບການກັບສະກຸນເງິນດິຈິຕອລຂອງປະເທດ
ການຮ່ວມມືລະຫວ່າງປະເທດ
Soramitsuເປັນທີ່ຮູ້ຈັກສໍາລັບບໍລິສັດທີ່ເຄີຍເຮັດວຽກຮ່ວມກັບທະນາຄານແຫ່ງຊາດກໍາປູເຈຍເພື່ອພັດທະນາແພລະຕະຟອມການ
ຊໍາລະເງິນດິຈິຕອນ Bakong ເຊິ່ງເປັນສ່ວນໜຶ່ງຂອງໂຄງການ Central Bank Digital Currency (CBDC) ຂອງກໍາປູເຈຍ ນັ້ນຈະຊ່ວຍຫຼຸດຜ່ອນການເອື່ອຍອີງຂອງກຳ ປູເຈຍຕໍ່ເງິນໂດລາສະຫະລັດ
ຖະແຫຼງຂ່າວຢູ່ໃນເວັບໄຊຂອງ Soramitsu ( https://soramitsu.co.jp/cambodia-bakong )
ລະບຸວ່າ "ຕ້ອງຂອບໃຈການໃຊ້ວຽກ Bakong ພາຍໃນແອັບທະນາຄານທ້ອງຖິ່ນຂອງກໍາປູເຈຍ, ຜູ້ໃຊ້ 5.9 ລ້ານຄົນໄດ້ຮັບຜົນປະໂຫຍດຈາກການບໍລິການນີ້ພາຍໃນຫົກເດືອນທໍາອິດຂອງປີ 2021. ຜູ້ໃຊ້ Wallet ດິຈິຕອລ Bakong ໄດ້ບັນລຸເຖິງ 200,000 ຄົນແລະມີຫຼາຍກວ່າ 1.4 ລ້ານທຸລະກໍາເທົ່າກັບ 500 ລ້ານໂດລາໃນໄລຍະເວລາດຽວກັນ.”
ສ່ວນການສຶກສາຮ່ວມກັນຂອງທະນາຄານແຫ່ງ ສປປ ລາວ ແລະ Soramitsu ອາດຈະເລີ່ມຂຶ້ນໃນເດືອນນີ້
ໄປພ້ອມໆກັບປະເທດຈີນ?
ເປັນທີ່ສັງເກດວ່າຈີນແລະລາວເປັນຄູ່ການຄ້າອັນຍາວນານ ຈາກຂໍ້ມູນຂອງ OEC ໃນປີ 2019 ການສົ່ງອອກຂອງຈີນໄປລາວແມ່ນ 1.87 ຕື້ໂດລາ ໃນຂະນະດຽວກັນການສົ່ງອອກຂອງລາວມີມູນຄ່າ 1.88 ຕື້ໂດລາ ຂະນະທີ່ຈີນກຳລັງແຂ່ງຂັນກັບໂຄງການທົດລອງເງິນຢວນດີຈີຕອນຂອງຕົນເອງ ເປັນເລື່ອງທຳມະດາທີ່ລາວຈະສຶກສາທາງເລືອກ CBDC ເປັນຂອງຕົວເອງດ້ວຍຄືກັນ
ນອກຈາກນີ້ກີບລາວຍັງໄດ້ຮັບຜົນກະທົບຈາກອັດຕາເງິນເຟີ້ທີ່ເພີ່ມສູງຂຶ້ນຈາກວິກິດການ COVID-19 ດັ່ງນັ້ນຈຶ່ງຄາດການວ່າ CBDC ຂອງລາວຈະສາມາດຊ່ວຍກະຕຸ້ນໃຫ້ຜູ້ຄົນຫັນມາໃຊ້ມັນແທນເງິນສົດໄດ້ຫຼາຍຂຶ້ນແລະສ້າງຄວາມປອດໄພ ໃຫ້ປະຊາຊົນຫຼາຍຂຶ້ນ
CBDC ຫຼາຍລາຍການ
ທະນາຄານກາງໃນທົ່ວເອເຊຍບໍ່ພຽງແຕ່ສຳຫຼວດ CBDC ເທົ່ານັ້ນ ແຕ່ຍັງມີການສົ່ງເງິນຂ້າມແດນໂດຍມີຜູ້ຫຼິ້ນທີ່ຫ້າວຫັນຢູ່ໃນສະໜາມນີ້ມີຈີນ, ຮ່ອງກົງ, ໄທ, ແລະສະຫະລັດອາຣັບເອມິເຣດ
ການສຶກສາຂອງ Soramitsuມີສັກຍະພາບທີ່ຈະຊ່ວຍໃຫ້ລາວເຂົ້າຮ່ວມກັບປະເທດໃກ້ຄຽງແລະເປັນຄູ່ແຂ່ງທາງດ້ານເສດຖະກິດໃນການທົດລອງສົ່ງເງິນ CBDC ຕ່າງໆ ສຸດທ້າຍນີ້ຖ້າລາວເລືອກທີ່ຈະພັດທະນາ CBDC ຂອງຕົນເອງຢ່າງເປັນທາງການຄວາມພະຍາຍາມຂອງ Soramitsu ອາດຈະສະໜັບສະໜູນລັດຖະບານລາວໃຫ້ບໍລິສັດຍີ່ປຸ່ນເຂົ້າມາຮ່ວມດ້ວຍ
ຂ່າວຈາກ:
https://siamblockchain.com/2021/10/03/japanese-firm-behind-bakong-to-study-laos-for-possible-cbdc
