ເຕັກນິກການເບິ່ງຂ່າວເສດຖະກິດໂລກສໍາລັບການວິເຄາະແນວໂນ້ມກາຟ FOREX
[ເຕັກນິກການເບິ່ງຂ່າວເສດຖະກິດໂລກສໍາລັບການວິເຄາະແນວໂນ້ມກາຟ FOREX ] ໂດຍຫ້ອງຄວາມຮູ້ບົວຫຼວງ
"ປັດໄຈສຳຄັນຂອງການເຄື່ອນໄຫວ ໃນຕະຫຼາດແລກປ່ຽນ"
ປັດໄຈສຳຄັນ 5 ປະການ ກັບການເຄື່ອນໄຫວໃນຕະຫຼາດອັດຕາແລກປ່ຽນ ເມື່ອຊ່ວງປາຍປີທີ່ຜ່ານມາບ່ອຍຄັ້ງທີ່ມັກຈະໄດ້ຍິນຄຳວ່າ “ສົງຄາມຄ່າເງິນ” ຫຼື
“Currency war” ອັນເປັນສົງຄາມທີ່ໄຮ້ອາວຸດຍຸດໂທປະກອນ
ແຕ່ສາມາດທຳລາຍລ້າງເສດຖະກິດໂລກໄດ້ຈາກການທີ່ປະເທດຕ່າງໆພະຍາຍາມຄວບຄຸມຄ່າເງິນສະກຸນຂອງຕົນເພື່ອສ້າງຄວາມໄດ້ປຽບທາງເສດຖະກິດ
ຫຼື ການເຮັດໃຫ້ຄ່າເງິນຂອງຕົນອ່ອນຄ່າ ດັ່ງນັ້ນຈະເຫັນໄດ້ວ່າໃນປີທີ່ຜ່ານມາຈົນເຖິງຂະນະນີ້
ປະເດັນທາງດ້ານຄ່າເງິນເປັນປະເດັນຫຼັກທີ່ນັກລົງທຶນຕ່າງຈັບຕາເບິ່ງ
ເຊິ່ງປັດໄຈທີ່ກ່ຽວຂ້ອງກັບການເຄື່ອນໄຫວໃນຕະຫຼາດອັດຕາແລກປ່ຽນນັ້ນມີຫຼາຍປັດໄຈນຳກັນ
ໂດຍມີ 5 ປັດໄຈຫຼັກທີ່ຕ້ອງການຍິບຍັກມານຳສະເໜີຕາມລຳດັບຄວາມສຳຄັນໄດ້ແກ່
ປັດໄຈທຳອິດອັດຕາດອກເບ້ຍ ໂດຍຈະມີສອງສ່ວນນຳກັນທີ່ກ່ຽວຂ້ອງໄດ້ແກ່
ລາຍໄດ້ຈາກດອກເບ້ຍ ແລະ ການເພີ່ມຂຶ້ນຂອງເງິນທຶນ
ຈາກປັດໄຈນີ້ຈະເຫັນວ່າທຸກໆສະກຸນເງິນໃນໂລກມີອັດຕາດອກເບ້ຍເປັນສິ່ງຈູງໃຈໃນການເຄື່ອນໄຫວ
ເຊິ່ງອັດຕາດອກເບ້ຍດັ່ງກ່າວກຳນົດໂດຍທະນາຄານກາງຂອງປະເທດນັ້ນໆ
ຖ້າຫາກໃຫ້ປັດໄຈອື່ນໆຄົງທີ່
ໂດຍປົກກະຕິນັກລົງທຶນຈະກູ້ຢືມເງິນຈາກປະເທດທີ່ມີອັດຕາດອກເບ້ຍຕໍ່າເພື່ອໄປລົງທຶນໃນປະເທດທີ່ມີອັດຕາດອກເບ້ຍສູງກ່ວາ
The Carry trade ຫຼື ທີ່ຄຸ້ນເຄີຍກັນໃນຊື່ທຸລະກຳວ່າ
ເຊິ່ງຜົນທີ່ໄດ້ຄືກຳໄລຈາກສ່ວນຕ່າງອັດຕາດອກເບ້ຍ ແລະ
ໄດ້ກຳໄລຈາກສ່ວນຕ່າງອັດຕາແລກປ່ຽນ
ຈາກການທີ່ສະກຸນເງິນຂອງປະເທດທີ່ມີອັດຕາດອກເບ້ຍສູງກ່ວາມັກມີແນວໂນ້ມທີ່ຈະແຂງຄ່າ
ປັດໄຈຕໍ່ມາການເຕີບໃຫ່ຍທາງເສດຖະກິດ ເຊິ່ງຈາກປັດໄຈນີ້ຈະສະທ້ອນໄດ້ວ່າ
ປະເທດທີ່ມີເສດຖະກິດແຂງແຮງກ່ວາ ຫຼື
ມີອັດຕາການຂະຫຍາຍໂຕທີ່ດີກ່ວາມີແນວໂນ້ມທີ່ທະນາຄານກາງຈະປັບຂຶ້ນອັດຕາດອກເບ້ຍເພື່ອຊ່ວຍຍັບຍັ້ງການຂະຫຍາຍໂຕຂອງອັດຕາເງິນເຟີ້
ແລະ ຈາກປັດໄຈຂ້າງຕົ້ນທີ່ກ່າວມາວ່າ
ອັດຕາດອກເບ້ຍທີ່ສູງຂຶ້ນຈະເປັນໂຕດຶງດູດກະແສເງິນທຶນຈາກຕ່າງຊາດເຂົ້າມາ ແລະ
ອຸປະສົງຂອງເງິນທີ່ຂ່ອນຂ້າງຫຼາຍຈະເຮັດໃຫ້ມູນຄ່າຂອງເງິນຫຼາຍຂຶ້ນນຳນັ້ນເອງ
ປັດໄຈທີ່ສາມ ພູມສາດການເມືອງ
ຄວາມສ່ຽງທາງສະເຖຍລະພາບທາງການເມືອງເປັນອີກໜຶ່ງປັດໄຈທີ່ນັກລົງທຶນຕ່າງກັງວົນ
ເນື່ອງຈາກຢ້ານວ່າຈະກໍ່ໃຫ້ເກີດອຸປະສັກ ແລະ ຄວາມສ່ຽງຕໍ່ເງິນທຶນ
ຈຶ່ງມັກຈະໂຍກເງິນລົງທຶນອອກໄປກ່ອນຈົນກ່ວາຈະເຫັນຄວາມຊັດເຈນ ແລະ
ມີສະເຖຍລະພາບຫຼາຍຂຶ້ນ
ບັນຫາທາງການເມືອງຍັງເປັນບັນຫາທີ່ຈະຮັ້ງການຂະຫຍາຍໂຕທາງເສດຖະກິດ
ເຊິ່ງຈະສົ່ງຜົນຕໍ່ມາຍັງຄ່າເງິນຕາມປັດໄຈຂ້າງຕົ້ນທີ່ໄດ້ກ່າວເຖິງອີກນຳ
ປັດໄຈທີ່ສີ່ ການຄ້າ ແລະ ກະແສເງິນທຶນ
ໃນສ່ວນນີ້ຄວນແຍກພິຈາລະນາວ່າລະຫວ່າງລາຍໄດ້ຈາກການຄ້າລະຫວ່າງປະເທດ
ກັບກະແສເງິນທຶນຈາກຕ່າງຊາດທີ່ເຂົ້າມາລົງທຶນ
ມີຜົນຕໍ່ປະລິມານກະແສເງິນທຶນໄຫຼເຂົ້າອອກຂອງປະເທດຫຼາຍໜ້ອຍເທົ່າໃດ ແລະ
ອີຫຍັງມີຜົນຫຼາຍກ່ວາ
ເພ່າະທິດທາງຂອງອັດຕາແລກປ່ຽນຈະເຄື່ອນໄຫວໄປຕາມຜົນກະທົບນັ້ນຫຼາຍກ່ວາ
ປັດໄຈສຸດທ້າຍ ການຄວບລວມກິດຈະການຂອງທຸລກິດຂະໜາດໃຫ່ຍ
ເປັນປັດໄຈທີ່ມີຄວາມສຳຄັນໜ້ອຍທີ່ສຸດໃນການຕັດສິນໃຈທິດທາງຄ່າເງິນໃນໄລຍະຍາວແຕ່ມີປະສິດທິພາບຫຼາຍສຳຫຼັບການເຄື່ອນໄຫວຂອງຄ່າເງິນໃນໄລຍະສັ້ນເນື່ອງຈາກເມື່ອມີບໍລິສັດໃນປະເທດໜຶ່ງຈະຊື້ສິນຊັບຂອງອີກປະເທດໜຶ່ງ
ກໍຈະມີຄວາມຈຳເປັນທີ່ຕ້ອງແລກເງິນເປັນສະກຸນເງິນນັ້ນເພື່ອໃຊ້ໃນການຊຳລະສິນຊັບດັ່ງກ່າວຈາກເຫດການນີ້ຈະເຮັດໃຫ້ຕະຫຼາດຄາດການຄວາມຜັນຜວນໃນໄລຍະສັ້ນໄດ້ວ່າຄ່າເງິນສະກຸນທີ່ເປັນທີ່ຕ້ອງການຈະປັບໂຕແຂງຄ່າ
ຈາກປັດໄຈທັງ 5 ປະການທີ່ກ່າວມາຂ້າງຕົ້ນ
ຜູ້ຂຽນຫວັງວ່າຜູ້ອ່ານຄົງໄດ້ເຫັນພາບທີ່ຊັດເຈນຂຶ້ນຂອງການເຄື່ອນໄຫວໃນຕະຫຼາດອັດຕາແລກປ່ຽນ
ສາມາດເຊື່ອມໂຍງກັບຄວາມເປັນໄປທີ່ເກີດຂຶ້ນກັບຕະຫຼາດເງິນຕ່າງໆໄດ້ ແລະ
ສະນຸກກັບການເຄື່ອນໄຫວຂອງຄ່າເງິນຢູ່ຕະຫຼອດເວລາ
